loading/hleð
(12) Blaðsíða 12 (12) Blaðsíða 12
12 ÞJÓÐVILJINN: Sýning Kjarvals í Markaðsskálanum. Það var lítil, yfirlætislaus auglýsing, sem ég leit í einu dagblaði bæjarins, hún tilkynti opnun á málverkasýningn í Markaðsskálanum. Þess var eigi getið, hver málarinn væri. En það barst út, Kjarval hafði opnað sýningu. Það er altof sjaldgæfur viðburður, að Kjarval haldi sýningu, þó er hann líklega langafkastamestur allra íslenskra málara. Það þekkja allir Kjarval og allir segja af honum siigur og brandara. Hann er engu síður sérkennilegur maður en málari, @g það er þetta sérkennilega við hann, sem menn leggja mis- jafnan skilning í, sem fer eftir greind hvers eins. Háð hans og biturleiki í sviirum er ekki óþekt fyrirbrigði meðal gáfaðra afburðamanna, er lifa við skilningsleysi og ill kjör sína stuttu ævi. Manni dylst það ekki, er maður mætir hinni miklu per- sónu Kjarvals, að yfir henni hvílir sálrænn glæsileiki, sem svo víða kemur fram i verkum þess mikla meistara. Eg lagði leið mína niður í Markaðsskála síðastl. sunnu- dag, það var ekki í þeim tilgangi, að skrifa um sýning- una, heldur til þess að njóta áhrifa listaverkanna. En þrátt fyrir það, þótt vika sé liðin og meir, frá því sýningin var opnuð, þá hefi ég hvergi litið grein um hana i blöðunum. Hvar eru nú allir list-gagnrýnendurnir? Það hefir ekki verið skortur á þeim hjá sumum blöðunum að minsta kosti, og þvi þegir útvarpið um sýninguna; það er þó vant að tala um alt milli himins og jarðar, hvort sem það þekkir það eða ekki, og þó hvað mest, ef engan varð- ar um það. Það er óvenjulegt fyrirkomulag á sýningunni að j)ví leyti lii, að þar er engin sýningarskrá, myndinar eru ónúmer- aðar, það skiftir líka engu máli fyrir listamanninn, sem hlýtur að skilja vel það skilningsleysi, sem hann á við að búa meðal þjóðar sinnar. Yfirleitt eru myndir þær, sem þarna eru, mjög glæsileg- ar. Það er erfitt að tala um einstakar myndir þar, svo ekki valdi misskilningi, þar sem ekki er hægt að gefa upp númer.


Málverkasýning Kjarvals

Ár
1939
Tungumál
Íslenska
Blaðsíður
14


Beinir tenglar

Ef þú vilt tengja á þessa bók, vinsamlegast notaðu þessa tengla:

Tengja á þessa bók: Málverkasýning Kjarvals
https://baekur.is/bok/316b58da-9095-4470-a810-6d879a3e6772

Tengja á þessa síðu: (12) Blaðsíða 12
https://baekur.is/bok/316b58da-9095-4470-a810-6d879a3e6772/0/12

Vinsamlegast ekki tengja beint á myndir eða PDF skjöl á Bækur.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.