1 2 Landsbókasafns, skrá þau í Gegni, fá mörgum þeirra nýjar umbúðir, gera við þau sem eru verst farin o.s.frv. Þessi vinna, svo og flutningarnir sjálfir og frágangur ritanna á staðnum, er viðamikil og kostnaðarsöm framkvæmd. Bíður hún ársins 2000 og fer vel á því að þessi kaflaskil verði í sögu safnsins á því tímamótaári. Helstu deildir safnsins Aðfangadeild. Markmið aðfangadeildar er að annast uppbyggingu safnkosts bóka- safnsins. Deildin annast val og kaup á bókum, tímaritum og öðrum safngögnum. Hún sér um skylduskil íslenskra prentaðra gagna, svo og um ritaskipti og þær gjafir sem berast bókasafninu. Samskrá um erlend tímarit er á vegum deildarinnar, og hún sér fyrir Islands hönd um úthlutun á alþjóðabóknúmerum (ISBN) og alþjóðlegum númerum tímarita (ISSN). Handritadeild. Markmið handritadeildar er að annast söfnun, varðveislu, skráningu og rannsóknir íslenskra handrita sem ekki heyra undir lögbundin skylduskil til Þjóðskjalasafns eða héraðsskjalasafna. Deildin sér til þess að sem tryggilegast sé búið um þennan safnkost og greiðir fyrir notkun hans, m.a. með útgáfu handritaskráa og með því að færa handrit á aðra miðla eftir þörfum. Jafnframt annast deildin kynningu á handritum og þjónustu við safngesti. Skráningardeild. Markmið skráningar- deildar er að sjá til þess að gögn safnsins séu efnisgreind og skráð samkvæmt viðurkenndum reglum og stöðlum. Deildin sér m.a. um uppbyggingu gagnasafna í bókasafnskerfinu Gegni. Deildin annast þróun skráningarsniðs og útgáfu flokkunar- kerfis á íslensku. Hún sér einnig um útgáfu þjóðbókaskrár og leggur til íslenskt efni í erlendar skrár. Deildin lætur öðrum bókasöfnum í té samskrárþjónustu og veitir aðstoð og ráðgjöf á sviði efnisgreiningar og skráningar. Upplýsingadeild. Markmið upplýsingadeildar er að veita safngestum sem besta upplýsingaþjónustu og nýta í því skyni möguleika upplýsingatækninnar. Meðal viðfangsefna deildarinnar eru tölvuleitir, notendafræðsla, uppbygging handbókakosts, almannatengsl og útgáfa ýmissa upplýsinga- bæklinga. A vegum deildarinnar er starfrækt tón- og mynddeild sem m.a. annast söfnun, varðveislu og miðlun efnis á sviði íslenskrar tónlistar, svo og efnis á myndmiðlum. Útlánadeild. Markmið útlánadeildar er að sjá um lánastarfsemi bókasafnsins og gæta þess að fylgt sé settum reglum í því efni. Deildin starfrækir m.a. námsbókasafn og sér um almenna upplýsingaþjónustu á 3. og 4. hæð, varðveitir safn lokaritgerða nemenda við Háskóla Islands og hefur umsjón með lesrýmum, bókarýmum og úthlutun lesherbergja. Millisafnalán eru á vegum deildarinnar, og hún hefur jafnframt umsjón með safndeildum utan aðalsafns. Þjóðdeild. Markmið þjóðdeildar er að varðveita íslenskan ritakost, fornan og nýjan, og veita aðgang að honum. Þjóðdeild hefur m.a. umsjón með aðaleintaki og varaeintaki íslenskra rita, sér um lestrarsal deildarinnar og þjónustu við fræðimenn sem þangað leita. Deildin annast um sérsöfn bókasafnsins. Gegnir, Greinir, Gelmir Gegnir er tölvukerfi Landsbókasafns Islands - Háskólabókasafns, en auk þess eiga nokkur önnur bókasöfn fulla aðild að kerfinu. Er þá átt við að bókasöfnin noti bókasafnskerfið sem heimakerfi sitt og beiti því við fleiri eða færri þætti í safnrekstrinum. I ársbyrjun 1995 voru aðildarsöfn Gegnis átta talsins, en eru tíu í árslok 1998. Auk Landsbókasafns eru aðildarsöfnin þessi: Bókasafn Kennaraháskóla íslands Bókasafn Stofnunar Arna Magnússonar Bókasafn Seðlabanka Islands Bókasafn Háskólans á Akureyri Bókasafn Stjórnarráðs íslands Bókasafn Listaháskóla íslands Bókasafn Þjóðminjasafns íslands Bókasafn Alþingis Bókasafn Hagstofu íslands Dr. Hermes Massimo frá Vínarborg afhendir safninu 350 bækur að gjöf 27. ágúst Safnið opnað kl. 8:15 mánud- föstud. í stað kl 9:00 áður, frá 1. september Dr. Theodore R. Beck frá Seattle afhendir safninu um 1.000 rit að gjöf 15. október Sýning í október í tilefni af 200 ára afmæli Bólu-Hjálmars Handrit Halldórs Laxness afhent safninu á hátíðarsamkomu á degi íslenskrar tungu 16. nóvember Þriðja og síðasta sýning sern tengist afmælisári handritadeildar opnuð 16. nóvember og tekur til handrita Halldórs Laxness

(1) Kápa
(2) Kápa
(3) Blaðsíða 1
(4) Blaðsíða 2
(5) Blaðsíða 3
(6) Blaðsíða 4
(7) Blaðsíða 5
(8) Blaðsíða 6
(9) Blaðsíða 7
(10) Blaðsíða 8
(11) Blaðsíða 9
(12) Blaðsíða 10
(13) Blaðsíða 11
(14) Blaðsíða 12
(15) Blaðsíða 13
(16) Blaðsíða 14
(17) Blaðsíða 15
(18) Blaðsíða 16
(19) Blaðsíða 17
(20) Blaðsíða 18
(21) Blaðsíða 19
(22) Blaðsíða 20
(23) Blaðsíða 21
(24) Blaðsíða 22
(25) Blaðsíða 23
(26) Blaðsíða 24
(27) Blaðsíða 25
(28) Blaðsíða 26
(29) Blaðsíða 27
(30) Blaðsíða 28
(31) Blaðsíða 29
(32) Blaðsíða 30
(33) Kápa
(34) Kápa
(35) Kvarði
(36) Litaspjald