Biblíusafn Ragnar Þorsteinsson (1914-99), kennari, gaf bókasafninu Biblíusafn sitt við opnun Þjóðarbókhlöðu I. desember 1994. Hafði hann safnað Biblíunni á ýmsum málum um hálfrar aldar skeið. Biblíusafnið er á 1.228 tungumálum, þ.á m. eru mál og mállýskur margra lítilla málsvæða. Ragnar hafði sjálfur flokkað Biblíur sínar eftir málaættum og fylgdi gjöfinni nákvæm spjaldskrá yflr safnið. Þar er greint frá málaflokki hverrar Biblíu og síðan undirflokki, einnig hve margir eru mælandi á viðkomandi tungu og á hvaða svæði hún er töjuð. Safnið hefur enn fremur verið skráð í Gegni. Ahugi Ragnars á Biblíunni var málvísindalegur, hann notaði þær við samanburð á málum og mállýskum. Handritadeild 150 ára Hinn 5. júní 1846 gaf Danakonungur yfírvöldum hérlendis leyfi til þess að kaupa 393ja binda handritasafn Steingríms biskups Jónssonar. Stofndagur handritasafnsins, sem síðar varð að handritadeild, er miðaður við þetta konungsleyfi. í tilefni þess að 150 ár voru liðin frá þessum atburði var haldin hátíðarsamkoma í Þjóðarbók- hlöðu 5. júní 1996. Samadag kom út IV. viðauka- bindi handritaskrár sem tekin var saman í deildinni. Jafnframt var opnuð sýning með sýnishornum af merkum handritum í eigu deildarinnar. Þessi sýning var önnur í röð þriggja sýninga á þessu merkisári. Hin fyrsta var opnuð í mars og náði yfir handrit úr frumstofni handritasafnsins, sú síðasta var haldin í nóvember og tók til handrita Halldórs Laxness. Á afmælisárinu gaf safnið út í viðhafnarútgáfu eiginhandarrit Hallgríms Péturssonar af Passíusálmunum (sjá sérstakan kafla um þessa útgáfu). Minnisbók Steingríms Jónssonar biskups frá árinu 1835. (Lbs 341 8vo) Passíusálmar Eiginhandarrit Hallgríms Péturssonar að Passíusálmunum, hið eina sem til er, er einn mesti dýrgripur Landsbókasafns. Að undangenginni viðgerð á handritinu var ákveðið að gefa það út á árinu 1996. Tímasetningin var ekki tilviljun, því að á árinu I996fagnaði Landsbókasafn 150 ára afmæli handritadeildar. Þá voru og liðnar þrjár aldir síðan Passíusálmarnir komu fyrst út einir á bók. Hefð er komin á að gefa sálmana út þegar fjögur ár lifa hverrar aldar, þ.e. 1696, 1796, 1896 og nú 1996, en þá var það einnig minnisvert að liðin voru tíu ár síðan vígð var hin rnikla kirkja sem reist var í minningu skáldsins á Skólavörðuholti. Hallgrímskirkja í Reykjavík fór líka fremst í flokki meðal fjölmargra aðila, einkum innan þjóðkirkjunnar, sem sýndu útgáfunni áhuga og styrktu hana myndarlega. Passíusálmarnir hafa verið gefnir oftar út en nokkurt annað rit á Islandi, en þessi útgáfa er ólík öllum hinum fyrri. I henni er stafréttur texti birtur við hlið eftirmyndar eiginhandarrits Hallgríms, og því til viðbótar eru sálmarnir prentaðir með nútímastaf- setningu í versum og ljóðlínum. Textinn birtist því í þremur gerðum í einni og sömu opnunni. Lesendur geta þannig með stuðningi hinna prentuðu gerða textans fylgt penna Hallgríms í handritinu og numið þannig hvernig hann festi hið máttuga trúarljóð sitt á blað. Passíusálmarnir kornu fyrst út á Hólum árið 1666. Þessari útgáfu sem er hin 83. í röðinni fylgir ítarleg skrá um fyrri útgáfur sálmanna og þýðingar á önnur mál. Einnig er í bókinni skrá um þá sem lesið hafa sálmana í útvarp síðan 1944. Bókin er 240 blaðsíður í stóru broti (30x28 sm) og bundin í alskinn. Hún er ævarandi eign og hefur ekki síst verið keypt af þeim sem efna vilja til vandaðrar vinargjafar. Einnig hefur bókin ratað til páfans í Róm og erlendra þjóðhöfðingja og þjóðþinga, svo að eitthvað sé nefnt. Tónlistarhandrit Árna Bjömssonar tónskálds afhent safninu 7. ágúst íslensk bókaskrá 1996 kemur út í ágúst Formleg afhending á bókum frá Beatrice Bixon 26. ágúst, en hún hefur um margra ára skeið gefið safninu fjölda rita Gengið í september frá afhendingu til safnsins á myndböndum og bókum úr eigu Menningarstofnunar Bandaríkjanna sem þar með hættir starfsemi bókasafns Sýning á handritum Sigurðar Nordals opnuð 14. september og jafnframt tilkynnt um afhendingu til safnsins á handritum úr hans eigu

(1) Kápa
(2) Kápa
(3) Blaðsíða 1
(4) Blaðsíða 2
(5) Blaðsíða 3
(6) Blaðsíða 4
(7) Blaðsíða 5
(8) Blaðsíða 6
(9) Blaðsíða 7
(10) Blaðsíða 8
(11) Blaðsíða 9
(12) Blaðsíða 10
(13) Blaðsíða 11
(14) Blaðsíða 12
(15) Blaðsíða 13
(16) Blaðsíða 14
(17) Blaðsíða 15
(18) Blaðsíða 16
(19) Blaðsíða 17
(20) Blaðsíða 18
(21) Blaðsíða 19
(22) Blaðsíða 20
(23) Blaðsíða 21
(24) Blaðsíða 22
(25) Blaðsíða 23
(26) Blaðsíða 24
(27) Blaðsíða 25
(28) Blaðsíða 26
(29) Blaðsíða 27
(30) Blaðsíða 28
(31) Blaðsíða 29
(32) Blaðsíða 30
(33) Kápa
(34) Kápa
(35) Kvarði
(36) Litaspjald