5 Ávarp stjórnarformanns Opnun Þjóðarbókhlöðu fyrsta desember 1994 og sameining Landsbókasafns og Háskólabókasafns markaði stærsta áfangann í safnamálum íslendinga síðan Safnahúsið við Hverfisgötu var reist af miklum stórhug á fyrsta áratug aldarinnar. A þeim fimm árum sem síðan eru liðin hefur starfslið og stjórn safnsins einbeitt sér að því að móta starfsemina í nýjum og glæsilegum húsakynnum og veita notendum þá auknu og bættu þjónustu sem nýtt umhverfi og tækni hafa upp á að bjóða. Aðdragandinn að stofnun safnsins og byggingu bókhlöðunnar varð mun lengri en upphaflega var ráð fyrir gert, og reyndi það mjög á þolinmæði þeirra sem biðu eftir lausn á aðkallandi vanda í rekstri Landsbókasafns og Háskólabóka- safns. Það má þó með nokkrum rétti segja að sú bið hafi ekki verið að öllu leyti til skaða og að lokaáfangi verksins hafi komið á heppilegum tíma með tilliti til þess að tryggja að allt skipulag safnsins og búnaður tæki mið af ýtrustu notkun upplýsinga- og tölvutækni til hagræðingar og bættrar þjónustu við notendur. Það hefur því orðið eitt af meginviðfangsefnum þessara fyrstu ára að gera safninu kleift að rækja sem best veigamikið hlutverk sitt í upplýsingavæðingu landsins, bæði með samtengingu safnasamfélagsins innanlands og tengslum við bókasöfn annarra landa. Hið tvíþætta hlutverk safnsins, annars vegar sem þjóðbókasafn og varðveislustaður hins ritaða menningararfs, en hins vegar sem háskólabókasafn og tæknivædd upplýsingamiðstöð, skapar því einnig þá sérstöku ábyrgð að vera virkur tengiliður milli ritmenningar horfinna kynslóða hér á landi og hins tölvuvædda alþjóðlega samfélags sem nú er í mótun. Mikið starf er enn óunnið til þess að tryggja að safnið geti gegnt þessu tvíþætta hlutverki á þann hátt sem æskilegt væri. í því skyni að móta það starf hefur stjórn safnsins nú samþykkt stefnumótun fyrir starfsemi þess næstu árin og framtíðarsýn undir heitinu Þekking, vísindi og menning við aldaskil. Er þar bæði reynt að greina helstu markmiðin í starfsemi safnsins til framtíðar og setja um leið fram raunhæfa áætlun um það sem unnt á að vera að hrinda í framkvæmd á allra næstu árum. Vonandi fellur þessi stefnumótun í góðan jarðveg hjá notendum safnsins og eykur skilning almennings og stjórnvalda á hlutverki þess og þörfum. Jóhannes Nordal 19 9 4 Ný stofnun, Landsbókasafn Islands - Háskólabókasafn. opnuð fimmtudaginn l. desember við hátíðlega athöfn. Bókasafninu berst fjöldi gjafa. Sýning sett upp á þeim gjöfum sem borist hafa Bókasafnið opnað almenningi 2. desember Opið hús í Þjóðarbókhlöðu helgina 3. og 4. desember 19 9 5 Samþykkt í janúar að Bókasafn Háskólans á Akureyri fái fulla aðild að Gegni Fyrsta sinn lengur opið á próftíma, í apríl og maí Lokið flutningi rita úr geymslum í Alþýðuhúsi í apríl Starfsmannafélag stofnað í safninu 25. apríl

(1) Kápa
(2) Kápa
(3) Blaðsíða 1
(4) Blaðsíða 2
(5) Blaðsíða 3
(6) Blaðsíða 4
(7) Blaðsíða 5
(8) Blaðsíða 6
(9) Blaðsíða 7
(10) Blaðsíða 8
(11) Blaðsíða 9
(12) Blaðsíða 10
(13) Blaðsíða 11
(14) Blaðsíða 12
(15) Blaðsíða 13
(16) Blaðsíða 14
(17) Blaðsíða 15
(18) Blaðsíða 16
(19) Blaðsíða 17
(20) Blaðsíða 18
(21) Blaðsíða 19
(22) Blaðsíða 20
(23) Blaðsíða 21
(24) Blaðsíða 22
(25) Blaðsíða 23
(26) Blaðsíða 24
(27) Blaðsíða 25
(28) Blaðsíða 26
(29) Blaðsíða 27
(30) Blaðsíða 28
(31) Blaðsíða 29
(32) Blaðsíða 30
(33) Kápa
(34) Kápa
(35) Kvarði
(36) Litaspjald