loading/hleð
(34) Blaðsíða 32 (34) Blaðsíða 32
listin ein getur veit. er ekki aðeins örfandi skemmtun, heldur vekur hún manninn til skarpari skilnings á heimi sínum. Það er því mikilsvert atriði, að listamaðurin fái óhindraður að leita þess, er felst undir yfirborði hlutanna, og draga þaðan ný verðmæti fram í dagsbirtuna. Það mun aldrei leiða til stirðnaðrar listar. List, sem ber í sér árangur slíkrar viðleitni, er meira en leikur hugans fyrir utan og ofan hinn raunhæfa heim eða flótti frá lífinu til hjákátlegra hugskrípa og heilaspuna. Hún hefur ótvírætt gildi sem fulltrúi þeirrar baráttu, sem mannkynið heyir til að öðlast frelsi í veröld sinni. En þetta stríð er einmitt táknrænt fyrir samtíð okkar. Það hefur verið sagt um verk Picassos í U.R.S.S., að þau táknuðu endalok listrænna afreka borgarastéttarinnar. Er mögulegt að líta á þessi listaverk sem hrörnandi öld- ung, sem staulast niður á við, hönd í hönd við þj óðskipulag, sem lifað hefur sjálft sig? Mundi ekki sönnu nær að sjá í þeim merki nýs dags, þar sem listin endurheimtir athafnafrelsi sitt? Hversu nákvæmlega sem þau eru athuguð, verður ekki komið auga á nein tákn úrkynjunar. Andleg dauðamörk er að finna í hóflausri tilfinninga- semi, væminni útfærslu samfara löngun til að hneyksla. Andlegt vaxtarmerki er það aftur á móti að hræðast ekki óvæntustu hugmyndir sínar, ef þær hvíla á föstum grunni tilíinningar og vits. Er ekki ástæða til að ætla. að hin nýju tengsl milli kennda okkar og hugsunar, sem Picasso hefur skapað, hið áður óþekkta bandalag veruleika og draums, sem birtist í verkurn hans, séu jákvæðs eðlis, getið orðið mikilsverður og örfandi þáttur innan komandi þjóðfélags? Og ætli það sé ekki þess vert að gefa þeim og öðrum merkum listaverkum samtíðarinnar meiri gaum en gert hefur verið?


Septembersýningin 1947.

Ár
1947
Tungumál
Íslenska
Blaðsíður
36


Beinir tenglar

Ef þú vilt tengja á þessa bók, vinsamlegast notaðu þessa tengla:

Tengja á þessa bók: Septembersýningin 1947.
https://baekur.is/bok/8643e3b1-a4d0-42a2-879a-797c702cf30f

Tengja á þessa síðu: (34) Blaðsíða 32
https://baekur.is/bok/8643e3b1-a4d0-42a2-879a-797c702cf30f/0/34

Vinsamlegast ekki tengja beint á myndir eða PDF skjöl á Bækur.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.