fyrstu myndum Jóhannesar, einkum frá árinu 1951 og áður. Nú er hún aftur komin en sveigðari og óhlutlægari en áður. Hún er sett á ská inn í myndflötinn þar sem hún teygir sig eftir honum, sett saman úr ótal formeiningum. Eins og áður hefur komið fram lauk Jóhannes fyrst sveinsprófi í gull- og silfursmíði áður en hann helgaði sig málaralistinni. Hann lagði þó ekki gullsmíðina á hilluna er hann snéri sér að myndlist, heldur vann hann að henni samfellt langtímum saman á sjötta og sjöunda áratugnum. Fyrst vann hann hjá Jóni Sigmundssyni en var síðar með eigin vinnustofu. Það leikur enginn vafi á því að reynsla hans af því að vinna við svo ólík efni, hefur haft mikil áhrif á þroska hans sem myndlistarmanns. Smiðurinn hefur aukið tilfinningu málarans fyrir formstyrk, einfaldleik en um leið efniskennd. í málmsmíði kom Jóhannes fram sem mjög sjálfstæður listamaður þar sem formáferð og eðli efnisins sátu í fyrirrúmi, og var það mikil nýlunda hér á landi. Myndir Jóhannesar bera þess vitni að þær hafa orðið til fyrir mikla baráttu. Annars vegar er hann fæddur málari en hins vegar á hann erfitt með að tjá sig. Þessi átök geta hindrað útrás en þegar vel tekst til er útkoman kröftugleg og gædd Ijóðrænu yfirbragði. En þrátt fyrir mjög ákveðinn formdrátt byggir Jóhannes myndir sínar mjög á litnum sjálfum, krafti hans, innri spennu og samræmingu ýmissa littóna, eða eins og hann sagði sjálfur í blaðaviðtali árið 1957: „Þegar mynd vaknar í huga mér, er það ætíð liturinn sem knýr á fyrst. Höfuðvandamálið í mínum augum er samræmi litanna. Formið skiptir mig minna máli og vandamál formsins leysast að mestu sjálfkrafa eftir því sem litirnir koma á léreftið, í rauninni eru það litirnir í mínum myndum sem ráða forminu og myndskipuninni." Eera Nordal

(1) Kápa
(2) Kápa
(3) Blaðsíða [1]
(4) Blaðsíða [2]
(5) Blaðsíða [3]
(6) Blaðsíða [4]
(7) Blaðsíða [5]
(8) Blaðsíða [6]
(9) Blaðsíða [7]
(10) Blaðsíða [8]
(11) Blaðsíða [9]
(12) Blaðsíða [10]
(13) Blaðsíða [11]
(14) Blaðsíða [12]
(15) Blaðsíða [13]
(16) Blaðsíða [14]
(17) Blaðsíða [15]
(18) Blaðsíða [16]
(19) Blaðsíða [17]
(20) Blaðsíða [18]
(21) Blaðsíða [19]
(22) Blaðsíða [20]
(23) Blaðsíða [21]
(24) Blaðsíða [22]
(25) Blaðsíða [23]
(26) Blaðsíða [24]
(27) Blaðsíða [25]
(28) Blaðsíða [26]
(29) Blaðsíða [27]
(30) Blaðsíða [28]
(31) Blaðsíða [29]
(32) Blaðsíða [30]
(33) Blaðsíða [31]
(34) Blaðsíða [32]
(35) Blaðsíða [33]
(36) Blaðsíða [34]
(37) Blaðsíða [35]
(38) Blaðsíða [36]
(39) Kápa
(40) Kápa
(41) Kvarði
(42) Litaspjald