efstu hæðinni í hinni nýju Þjóðminjasafnsbyggingu og er sú hæð hönnuð fyrir Listasafnið. En með þjóðinni og í listasögu okkar mun Jón Þorleifsson fyrst og fremst lifa í málverkum sínum. íslensku landslagi og íslenskri náttúru unni hann mjög og nær list hans hvað hæst á því sviði. Hann sá landið og liti þess í allri sinni dýrð, oft með nokkurri angurværð. Hann málaði það með léttum litum og blíðum og viðkvæmum tón. Oft túlkaði hann í verkum sínum með innilegum næmleika hlýju landsins og mjúka liti; þetta fíngerða og hverfula líf náttúrunnar, þegar landið lifnar á vori. Þó má ekki gleyma verkum hans, litsterkum og fastbyggðum, úr þorpum og bæjum — með íbúunum ýmist í hvíld eða að störfum. Það er reisn yfir fólkinu, birta og ró. Þó að þetta njóti sín eitt sér til fulls í málverkinu er fólkið þó samgróið samastað sínum og umhverfi. Hér má finna nálægð málarans við fólkið, sem þarna unir glatt við sitt. Jón sér það jákvæða við landið og fólkið, sem það byggir, gróandann á vorin, hvíldina og ró mannsins að afloknu erfiði dagsins. Það er mikils virði að hafa kynnst Jóni Þorleifssyni og unnið með honum. Hann var með afbrigðum ósérhlífinn og hamhleypa til verka, skemmtilegur félagi með mikla kímnigáfu. Jón var höfðingi bæði í lund og á velli og gestrisinn svo af bar. Sýning þessi er seint á ferðinni, hún hefði átt að vera löngu fyrr því að Listasafnið á Jóni Þorleifssyni ómetanlegt starf að þakka. Þó má segja að þetta sé í anda Jóns. Hann ætlaðist aldrei til að koma fyrst. Listasafni íslands er það sérstök ánægja að halda yfirlitssýningu þessa á verkum Jóns Þorleifssonar, listmálaranum til heiðurs. Selma Jónsdóttir

(1) Kápa
(2) Kápa
(3) Blaðsíða [1]
(4) Blaðsíða [2]
(5) Blaðsíða [3]
(6) Blaðsíða [4]
(7) Blaðsíða [5]
(8) Blaðsíða [6]
(9) Blaðsíða [7]
(10) Blaðsíða [8]
(11) Blaðsíða [9]
(12) Blaðsíða [10]
(13) Blaðsíða [11]
(14) Blaðsíða [12]
(15) Blaðsíða [13]
(16) Blaðsíða [14]
(17) Blaðsíða [15]
(18) Blaðsíða [16]
(19) Blaðsíða [17]
(20) Blaðsíða [18]
(21) Blaðsíða [19]
(22) Blaðsíða [20]
(23) Blaðsíða [21]
(24) Blaðsíða [22]
(25) Blaðsíða [23]
(26) Blaðsíða [24]
(27) Kápa
(28) Kápa
(29) Kvarði
(30) Litaspjald