tryggja öllum sem jafnasta möguleika gagnvart réttarkerfinu, óháð efnahag og öðrum ytri aðstæðum. Umræðan um kynferðislegt ofbeldi og áhrif þess eru nátengd allri umræðu um kvenfrelsi og jafnrétti. Kvennalistinn hefur sem stjórnmálaafl átt mikinn þátt í að vekja athygli samfélagsins og stjórnvalda á alvarleika og umfangi þessara afbrota. Eitt skýrasta dæmið um áhrif Kvennalistakvenna til úrbóta í þessum málaflokki er þingsályktunartillaga sem þingkonur Kvennalistans fluttu árið 1984 þar sem lagt var til að skipuð yrði nefnd til þess að kanna rannsókn og meðferð nauðgunar- mála. Nefndinni var einnig ætlað að koma með tillögur til úrbóta. Tillagan var samþykkt á Alþingi vorið 1984 og stuttu síðar var skipuð sex manna fagnefnd til þess að vinna að málinu. Nefndin lauk störfum með útgáfu ítarlegrar skýrslu árið 1989. Helstu tillögur nefndarinnar voru m.a. að koma á neyðarmóttöku fyrir fórnarlömb nauðgana og verulegar breytingar á hegningarlögum sem flestar voru teknar í lög árið 1992. Nefndin lagði einnig til breytingar á meðferð opinberra mála m.a. í því skyni að draga úr skaðlegum áhrifum brots og málsmeðferðar á brotaþola. Illa hefur gengið að koma þeim breytingum á sem nefndin lagði til að gerðar væru. Ríkisábyrgð á bótum til þolenda kynferðisafbrota er eitt þeirra mála sem Kvennalistinn hefur margoft þrýst á og hillir nú undir að verði að veruleika. Réttarstöðu þolenda í ofbeldisbrotum er þó enn ábótavant. Brýnt er að auka réttar- vernd með því að tryggja fortakslausan rétt þolenda ofbeldisbrota til lögfræði- aðstoðar, endurgjaldslaust. Einnig að þolendur fái upplýsingar um alla málsmeð- ferð á öllum rannsóknar- og dómsstigum. Kvennalistinn hefur einnig knúið á um aukna fræðslu um kynferðislegt ofbeldi, ekki síst fyrir þá sem starfa í refsivörslu- kerfinu. Einnig er brýnt að auka fræðslu í skólakerfinu um ofbeldi og afleiðingar. Viðhorf almennings til þessa málaflokks hafa vissulega breyst á sl. tuttugu árum. Einnig hafa breyst viðhorf fagfólks og annarra sem starfa náið með slík mál- efni. Nokkurrar tregðu virðist þó enn gæta í refsivörslukerfinu varðandi þessi mál. Illa gengur t.d. að fá heimilisofbeldi skilgreint og meðhöndlað eins og annað of- beldi. Fjölgun kvenna innan lögreglu og dómskerfis myndi verða til verulegra bóta fyrir þann stóra hóp þolenda sem því miður verður fyrir ofbeldisbrotum í sam- félaginu. Kvennalistinn telur sérstaka nauðsyn á að komið verði upp þverfaglegum hópi sem vinnur að yfirheyrslum og gagnasöfnun varðandi börn sem verða fyrir of- beldisglæpum. Ábyrg fræðsla um ofbeldi og afleiðingar þess getur leitt til við- horfsbreytinga og komið í veg fyrir sum ofbeldisbrot. Þá vill Kvennalistinn að kæruskylda hvíli á lögreglu- og ákæruvaldinu í ofbeldismálum. Brýnt er að komið verði á góðri löggjöf um opinbera réttaraðstoð og fullnægja þar með þeim grundvallarmannréttindum að allir séu jafnir að lögum. Þannig er hægt að tryggja að allir eigi, án tillits til efnahags, kost á sambærilegri málsmeð- ferð til að sækja rétt sinn eða verja gagnvart stjórnvöldum eða einstaklingum. Á meðan launamisrétti ríkir milli karla og kvenna standa konur verr að vígi en karlar til að ná rétti sínum nema þær eigi kost á opinberri réttaraðstoð. Kvennalistinn hefur vakið máls á þessu með ýmsum hætti, m.a. með frumvarpi til laga um sér- staka lögfræðiaðstoð fyrir tekjulága einstaklinga í þeim málum sem varða hjúskap, sambúð og sifjaréttindi. Einnig er brýnt að auka almenna fræðslu um réttarstöðu fólks, t.d. muninn á vígðri og óvígðri sambúð. 21

(1) Front Cover
(2) Front Cover
(3) Page 1
(4) Page 2
(5) Page 3
(6) Page 4
(7) Page 5
(8) Page 6
(9) Page 7
(10) Page 8
(11) Page 9
(12) Page 10
(13) Page 11
(14) Page 12
(15) Page 13
(16) Page 14
(17) Page 15
(18) Page 16
(19) Page 17
(20) Page 18
(21) Page 19
(22) Page 20
(23) Page 21
(24) Page 22
(25) Page 23
(26) Page 24
(27) Page 25
(28) Page 26
(29) Page 27
(30) Page 28
(31) Page 29
(32) Page 30
(33) Page 31
(34) Page 32
(35) Page 33
(36) Page 34
(37) Page 35
(38) Page 36
(39) Page 37
(40) Page 38
(41) Page 39
(42) Page 40
(43) Page 41
(44) Page 42
(45) Page 43
(46) Page 44
(47) Page 45
(48) Page 46
(49) Page 47
(50) Page 48
(51) Page 49
(52) Page 50
(53) Page 51
(54) Page 52
(55) Page 53
(56) Page 54
(57) Page 55
(58) Page 56
(59) Page 57
(60) Page 58
(61) Page 59
(62) Page 60
(63) Page 61
(64) Page 62
(65) Page 63
(66) Page 64
(67) Back Cover
(68) Back Cover
(69) Scale
(70) Color Palette