Margrét Sigurðardóttir, Sveinskoti. Heiðursfélagi. Hjónin Margrét Sigurðardóttir og jóhann Jónasson, Sveinskoti. Margrét fluttist að Bessastöðum vorið 1946. Maður hennar Jóhann Jónasson frá Öxney gerðist þá bú- stjóri á Bessastöðum. Margrét gekk í Kvenfélag Bessa- staðahrepps árið 1948. Hún var gerð að heiðursfélaga, þegar hún varð sjötug þ. 03.03.1986. Margrét gerðist fljótt góður liðsmaður í félaginu og var kosin ritari 22 jan. 1952 og gegndi því starfi til ársins 1963. Fundargerðir hennar eru ná- kvæmar í frásögn og þrátt fyrir mikil umsvif á stóru heimili, lagði hún vandvirkni og alúð í öll sín störf fyrir félagið. Það var mikið lán fyrir Kvenfélagið að fá þau góðu og félagslyndu hjón á Álftanesið, því bæði eru þau glaðlynd og hafa ætíð verið tilbúin að aðstoða ef til þeirra hefur verið leitað. Magnhildur Gísladóttir, formaður, tók viðtal við Margréti upp á spólu í tilefni 70 ára afmælis Kvenfélagsins, ennfremur í tilefni af 80 ára afmæli Margrétar hinn 3. mars þessa árs. Margrét var hress að vanda, en vildi ekki gera mikið úr störfum sínum fyrir félagið. „Okkur var þröngur stakkur skorinn m.a. vegna fámennis og kyrrstöðu í hreppnum, er stafaði af áhuga æðri stjórnvalda á flugvelli hér á nesinu. Ekkert mátti byggja og þar af leiðandi var engin fjölgun í hreppnum. Ég tók nú samt þátt í mannaveiðum og fékk oft hrós fyrir það." Og svo hló hún dátt. Síðan upplýstist, hvernig í mannaveiðum Margrétar lá. Frá upphafi þorrablóta á Álftanesi, fyrst haldið 1947, reyndum við eftir mætti að hafa þau sem þjóðlegust, til dæmis klæddumst við þjóðbún- ingum. Það sem var sér til gamans gert, kom eingöngu frá fólki innan hrepps. Félagskonur sungu, léku og fengu karla sína til að lesa eitthvað upp, segja draugasögur og fleira, m.a. segja frá háttum og sið- um hér áður og fyrr á Nesinu. En svo kom að því að okkur vantaði eitthvað nýtt, einhverja tilbreyt- ingu. Það var svo sem hægt að kaupa fólk, sem gaf sig í slíkt, en það var dýrt og við seldum inngang vægu verði, með því að gefa alla vinnu og fá margt ódýrt. Eitt sinn er verið var að undirbúa þorrablót sagði Margrét: „Ég skal reyna að útvega skemmtilegan mann með því skil- yrði, að konan hans fái að koma líka og að þau fái ókeypis inn." Að sjálfsögðu var þetta samþykkt ein- róma. Broddi Jóhannesson, skóla- stjóri Kennaraskólans og Kristján Eldjárn, síðar forseti, mættu síðan á blótið, konurnar þeirra voru eitthvað forfallaðar og gátu ekki mætt. Það má nærri geta, að þessir fróðu menn, um horfna hætti, vöktu mikla gleði með því sem þeir fluttu. Þetta voru vinir og skóla- bræður Jóhanns frá Menntaskólan- um á Akureyri. Broddi og Kristján komu oftar á þorrablót, og komu þá með konur sínar með sér. í mörg ár var það orðin föst venja að einhver af skólabræðrum Jóhanns komu og skemmtu. Þetta voru allt þjóð- kunnir menn. Þeir sem koma upp í hugann eru Bjarni Vilhjálmsson, háskólabókavörður, Friðfinnur Ólafsson, forstj. fyrir Háskólabíó, Ragnar Jóhannesson, skólastjóri og skáld og ekki má gleyma Rögnu Jónsdóttur, kennara, konu hans, sem var eina skólasystirin í bekkn- um. Unndór Jónsson, skrifstofu- maður og fleiri. Vilhjálmur Hjálmarsson, síðar ráðherra, skólabróðir Margrétar frá Laugarvatni, kom eitt sinn og flutti skemmtilegar frásagnir, að sínum hætti. Allir vinir hjónanna, er að ofan getur, eru látnir, nema Vil- hjálmur. Nú á tímum gerir fólk sér ekki grein fyrir, hve mikilvægt það var í fámenni, þar sem fátt gerðist, eins og á þessum tímum hjá okkur, að fá að sjá þessa menn, sem við höfð- um svo oft heyrt í útvarpinu. Þá var ekki sjónvarp og mikið hlustað á útvarp. Hafi Margrét ásamt bónda sínum kærar þakkir frá hin- um eldri félagskonum fyrir góðar „mannaveiðar." Lifi þau heil í fegurð sólarlagsins í Sveinskoti. 24

(1) Kápa
(2) Kápa
(3) Blaðsíða 1
(4) Blaðsíða 2
(5) Blaðsíða 3
(6) Blaðsíða 4
(7) Blaðsíða 5
(8) Blaðsíða 6
(9) Blaðsíða 7
(10) Blaðsíða 8
(11) Blaðsíða 9
(12) Blaðsíða 10
(13) Blaðsíða 11
(14) Blaðsíða 12
(15) Blaðsíða 13
(16) Blaðsíða 14
(17) Blaðsíða 15
(18) Blaðsíða 16
(19) Blaðsíða 17
(20) Blaðsíða 18
(21) Blaðsíða 19
(22) Blaðsíða 20
(23) Blaðsíða 21
(24) Blaðsíða 22
(25) Blaðsíða 23
(26) Blaðsíða 24
(27) Blaðsíða 25
(28) Blaðsíða 26
(29) Blaðsíða 27
(30) Blaðsíða 28
(31) Blaðsíða 29
(32) Blaðsíða 30
(33) Blaðsíða 31
(34) Blaðsíða 32
(35) Blaðsíða 33
(36) Blaðsíða 34
(37) Blaðsíða 35
(38) Blaðsíða 36
(39) Blaðsíða 37
(40) Blaðsíða 38
(41) Blaðsíða 39
(42) Blaðsíða 40
(43) Kápa
(44) Kápa
(45) Kvarði
(46) Litaspjald