60 | 40 ára afmælisrit Stómasamtakanna en flestar byggja á að 50­60 sm langur bútur af smáþarmi er klipptur upp og saumaður saman á ákveðin hátt til þess að úr verði blöðrulaga líffæri sem getur þanist út af þvagi og tæmst. Þvag­ leiðararnir voru svo tengdir við efri hluta nýblöðrunnar og neðri hlutinn saumaður við efri hluta þvagrásar og því engin þörf á stóma eða poka. Virtir prófessorar frá stórum evrópskum háskóla­ sjúkrahúsum kepptust á þessum tíma við að þróa nýblöðrurnar og birtu mjög lofandi niðurstöður í vísindaritum og aðrir reyndu að fylgja þeirra fordæmi. Þegar aðferðin dreifðist um heiminn urðu þeir sem tóku upp aðferðirnar meðvitaðir um að meira var um fylgikvilla en lýst hafði verið í vísindagreinum og í kjölfarið hefur ár frá ári dregið úr notkun nýblöðru og notkun Bricker stóma aukist á nýjan leik. Aðgerðartækni við nýblöðru er flókin og allt sem er flókið í skurðlækningum krefst mikillar reynslu og sérhæfingar til að árangur sé viðunandi. Bricker þvagfráveitan er mun einfaldari aðgerð að ná tökum á og lang­ tímaárangur og hugsanlegir fylgikvillar eru mun betur skilgreindir en við nýblöðru­ aðgerðina. DaVinci aðgerðarþjarkinn hefur valdið byltingu Það sem einnig hefur ýtt undir endurhvarfs til Bricker þvag­ fráveitu á kostnað nýblöðru er aukin notkun á robottækni við skurðaðgerðir. DaVinci aðgerðar­ þjarkinn hefur valdið byltingu í þvagfæraskurð lækningum og hefur víða um heim, þar með talið á Íslandi komið í stað opinnar aðgerðartækni við blöðrubrottnám og þvagfráveitur. Aðgerðarþjarkinn hefur dregið mjög úr legutíma og blæðingu í tengslum við þessar aðgerðir. Nýblöðruaðgerð er sérlega flókin að framkvæma í aðgerðar þjarkanum og forsenda þess að framkvæma slíkar aðgerðir er að viðkomandi skurðlæknir geri þær mjög reglulega ef árangur á að vera ásættanlegur. Bricker fráveitan er hins vegar tæknilega litlu flóknari með aðgerðarþjarka heldur en með opinni tækni. Á Íslandi eru gerð um 10­15 blöðrubrottnám á ári og til viðbótar um 1­2 þvagfráveitur þar sem blaðran er ekki fjarlægð og einungis framkvæmd Bricker þvagfráveita. Á Landspítalanum var byrjað að gera blöðrubrottnám í aðgerðarþjarka í lok ársins 2015 og alls hafa síðan verið gerð 45 blöðrubrottnám og Bricker stóma með þjarkanum og auk þess 5 Bricker þvagfráveitur þar sem blaðran var ekki fjarlægð. Í fyrstu var einungis sjálft blöðru brott­ námið gert með þjarkanum og svo þvagfráveitan gerð með opinni tækni í gegnum 4­5 sm skurð. Frá vorinu 2019 er öll aðgerðin fram kvæmd með þjarkanum inni í kviðarholi sjúklings og hefur árangur verið góður. Von okkar er að þetta dragi enn frekar úr fylgi kvillatíðni og flýti heimferð og bata sjúklings eftir aðgerðina þar sem skurðir verða enn minni en áður fyrir vikið. Vonir standa til að á næstu árum komi fram öruggari og betri að ferðir við að framkvæma nýblöðruaðgerðir í aðgerðarþjarka en nú er raunin. Lág tíðni fylgikvilla til skemmri og lengri tíma er for senda þess að skipta út Bricker stómanu sem hefur gefist svo vel um áratugaskeið um allan heim. Almennt eru einstaklingar sem fá Bricker stóma ótrúlega fljótir að aðlagast því að vera með stóma. Góð fræðsla og undirbúningur fyrir aðgerð og markviss kennsla og eftirlit stómahjúkrunarfræðinga vegur þar þungt og er lykilforsenda fyrir árangri. Miklar framfarir hafa orðið í þróun og framleiðslu á stómavörum og fátítt núorðið að sjúklingar lendi í vanda með leka frá stómapoka sem gat verið vandamál á síðustu öld, sem erfitt var fyrir sjúklinga að sætta sig við. Fræðsla og kynning Stóma­ samtakanna á Íslandi hefur einnig verið ómetanleg þegar kemur að því að opna augu almennings á því hversu algengt og eðlilegt það er að lifa með stóma og maður upplifir að flestir sjúklingar sem standa frammi fyrir því að fá stóma séu með ágæta þekkingu á fyrirbærinu og hafi jákvæða sýn á stóma frá byrjun, sem auðveldar mjög ákvörðunartökuna og allt ferlið eftir aðgerð. Ég vil að lokum þakka Stómasamtökunum ómetanlegt starf og óska meðlimum hjartanlega til hamingju með afmælið! Sjúklingur í lok aðgerðar. Mislitar slöngur ganga út um stóma og ná upp til nýrna og eru fjarlægðar á degi 10 eftir aðgerð. Drenslanga sést vinstra megin á kvið og er fjarlægð daginn eftir aðgerð. Sár neðst á kvið sem blaðra hefur verið fjarlægð í gegnum í lok aðgerðar.

(1) Blaðsíða 1
(2) Blaðsíða 2
(3) Blaðsíða 3
(4) Blaðsíða 4
(5) Blaðsíða 5
(6) Blaðsíða 6
(7) Blaðsíða 7
(8) Blaðsíða 8
(9) Blaðsíða 9
(10) Blaðsíða 10
(11) Blaðsíða 11
(12) Blaðsíða 12
(13) Blaðsíða 13
(14) Blaðsíða 14
(15) Blaðsíða 15
(16) Blaðsíða 16
(17) Blaðsíða 17
(18) Blaðsíða 18
(19) Blaðsíða 19
(20) Blaðsíða 20
(21) Blaðsíða 21
(22) Blaðsíða 22
(23) Blaðsíða 23
(24) Blaðsíða 24
(25) Blaðsíða 25
(26) Blaðsíða 26
(27) Blaðsíða 27
(28) Blaðsíða 28
(29) Blaðsíða 29
(30) Blaðsíða 30
(31) Blaðsíða 31
(32) Blaðsíða 32
(33) Blaðsíða 33
(34) Blaðsíða 34
(35) Blaðsíða 35
(36) Blaðsíða 36
(37) Blaðsíða 37
(38) Blaðsíða 38
(39) Blaðsíða 39
(40) Blaðsíða 40
(41) Blaðsíða 41
(42) Blaðsíða 42
(43) Blaðsíða 43
(44) Blaðsíða 44
(45) Blaðsíða 45
(46) Blaðsíða 46
(47) Blaðsíða 47
(48) Blaðsíða 48
(49) Blaðsíða 49
(50) Blaðsíða 50
(51) Blaðsíða 51
(52) Blaðsíða 52
(53) Blaðsíða 53
(54) Blaðsíða 54
(55) Blaðsíða 55
(56) Blaðsíða 56
(57) Blaðsíða 57
(58) Blaðsíða 58
(59) Blaðsíða 59
(60) Blaðsíða 60
(61) Blaðsíða 61
(62) Blaðsíða 62
(63) Blaðsíða 63
(64) Blaðsíða 64
(65) Blaðsíða 65
(66) Blaðsíða 66
(67) Blaðsíða 67
(68) Blaðsíða 68
(69) Blaðsíða 69
(70) Blaðsíða 70
(71) Blaðsíða 71
(72) Blaðsíða 72