landbúnaðarafurðum í hágæðaflokki. Samtímis þessum nýja samningi um heims- viðskipti er sú þróun áberandi að mynduð eru fríverslunarsvæði t.d. NAFTA sem Bandaríkin, Kanada og Mexíkó eiga aðild að. í Asíu er unnið að myndun slíks svæðis. Síðast en ekki síst er Evrópusambandið að breytast með fjölgun ríkja úr 12 í 15 og með Maastrichtsáttmálanum sem tengir ríki þess mun sterkari böndum en áður. Við slíkar aðstæður verða íslendingar að meta stöðu sína í samfélagi þjóðanna. Það er miklvægt að málefnaleg umræða og fræðsla eigi sér stað um það hverra kosta sé völ þannig að fólk geti tekið afstöðu í svo mikilvægu máli. Kvennalistinn vill að við íslendingar eigum viðskipti við allar þjóðir sem vilja skipta við okkur en þau viðskipti eiga ekki að vera gagnrýnislaus. Við eigum að læra af öðrum þjóðum og efla samskipti á sviði menningar, mennta, vísinda og lista en megum ekki skirrast við að tala máli mannréttinda og umhverfisverndar þótt það kunni að valda erfiðleikum í viðskiptum. EES-samningurinn er staðreynd. Við erum orðin aðilar að samningum sem opna okkur viðskipti einkum við þjóðir Evrópu ýmist í gegnum EES-samninginn eða með fríverslunarsamningum sem EFTA-ríkin hafa gert t.d. við þjóðir Austur-Evrópu. Þeir samningar gera okkur kleift að sækja okkur þekkingu og reynslu jafnframt því að auka og bæta viðskipti. íslendingar verða að vera opnir fyrir þeim möguleikum sem bjóðast. Umræður eru hafnar um hugsanlega aðild íslands að Evrópusambandinu þótt ljóst sé að fleiri ríki verða ekki tekin inn í sambandið næstu árin. Kvennalistinn vill að EES-samningnum verði breytt í tvíhliða samning við Evrópusambandið og telur mun fleira mæla gegn aðild íslands að Evrópusambandinu en með henni. Kvennalistinn gerir þá kröfu að svo stórt mál verði borið undir þjóðaratkvæði komi til þess að íslendingar sæki um aðild að ESB. Evrópusambandið er að breytast og er margt óljóst um það hvaða stefnu það mun taka. Framundan er margra ára um- ræða um framtíðarskipan sambandsins. Þótt stefnubreyting kunni að eiga sér stað stendur eftir hugmyndafræði og gildismat ríkjasambands sem hvort tveggja geng- ur þvert á hugmyndir Kvennalistans um lýðræði, valddreifingu, áhrif fólks á eigið líf og umhverfi, sjálfbæra þróun og réttinn til að þróa eigið samfélag. Evrópusam- bandið mun eftir sem áður byggjast á Rómarsáttmálanum sem gerir ráð fyrir sam- eiginlegri nýtingu og yfirráðum yfir auðlindum eins og fiskimiðum. Slíkt er íslend- ingum afar óhagstætt ekki síst í ljósi þess viðkvæma ástands sem ríkja mun næstu árin á fiskimiðunum við landið. Þá er sú mikla miðstýring, embættismannaveldi og karlveldi sem ræður ríkjum í Brussel þyrnir í augum kvenna en reyndar er nú hafin sókn gegn þessum ólýðræðislegu vinnubrögðum. Margt gott er að finna í lögum Evrópusambandsins svo sem um félags- og vinnumál svo og jafnrétti kynj- anna en það breytir ekki því að konur eru enn mjög fáar í forystu ESB og atvinnu- leysi í röðum kvenna, einkum ungra kvenna, gífurlega mikið. Því vill Kvennalist- inn að svo komnu máli leggja áherslu á að ísland standi utan Evrópusambands- ins. Það er ekkert sem hindrar okkur í að lögleiða góðar breytingar ættaðar frá Evrópu nema vilja- og skilningsleysi íslenskra stjórnvalda Kvennalistinn leggur áherslu á gott samstarf við aðrar þjóðir. í slíku samstarfi þarf efnahagslegt og menningarlegt sjálfstæði þjóðarinnar að vera tryggt. Aðeins þannig getum við nýtt þá miklu möguleika sem land okkar og þjóð búa yfir. 62

(1) Front Cover
(2) Front Cover
(3) Page 1
(4) Page 2
(5) Page 3
(6) Page 4
(7) Page 5
(8) Page 6
(9) Page 7
(10) Page 8
(11) Page 9
(12) Page 10
(13) Page 11
(14) Page 12
(15) Page 13
(16) Page 14
(17) Page 15
(18) Page 16
(19) Page 17
(20) Page 18
(21) Page 19
(22) Page 20
(23) Page 21
(24) Page 22
(25) Page 23
(26) Page 24
(27) Page 25
(28) Page 26
(29) Page 27
(30) Page 28
(31) Page 29
(32) Page 30
(33) Page 31
(34) Page 32
(35) Page 33
(36) Page 34
(37) Page 35
(38) Page 36
(39) Page 37
(40) Page 38
(41) Page 39
(42) Page 40
(43) Page 41
(44) Page 42
(45) Page 43
(46) Page 44
(47) Page 45
(48) Page 46
(49) Page 47
(50) Page 48
(51) Page 49
(52) Page 50
(53) Page 51
(54) Page 52
(55) Page 53
(56) Page 54
(57) Page 55
(58) Page 56
(59) Page 57
(60) Page 58
(61) Page 59
(62) Page 60
(63) Page 61
(64) Page 62
(65) Page 63
(66) Page 64
(67) Back Cover
(68) Back Cover
(69) Scale
(70) Color Palette